Святая Мать Параскева, святые Отцы, Подвижники, Святители, Чудотворцы,

 

УПАСИТЕ СТАДО ХРИСТОВО!

УКРЕПИТЕ В НАС ВЕРУ В БОГА И В ЧУДО,

ЛЮБОВЬ КО ХРИСТУ

НАДЕЖДУ НА СПАСЕНИЕ.

 

Иов Почаевский Вмц. Параскева Свт. Димитрий Ростовский

28 окт./10 ноября 2011 г.

 

Верные Хранители Стада Иисусова

Премудрая и всехвальная Христова мученица ПАРАСКЕВА,/ мужескую крепость приимши,/ женскую же немощь отвергши,/ диавола победи и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо, радующися, иду ко Христу, Жениху моему./ Тоя молитвами, Христе Боже,/ спаси души наша.

 

Яко Солнце Красное веры истинна, не отемнилася, не остудилася, жарче распалилася еси, злобы адския зверомучителей просия, плоть же ангельску яко Маков Цвет на Алтарь Добродетелей Жениху возложе, святая великомученице Параскева, в Подвигах дух крепя, яко гиперборей оный и Ангелов удивление явилася еси, тем же Царствие Небесное велемощно земле приклонила еси, плоды славы онаго сотворяя и пример человекам подавая в бедах и страданиях пламенне Богу воспевати: АЛЛИЛУЙЯ!

 

Иже веруя и мужеством душевным, тезоименитне,/ диавола посрамила еси/ и мучительское прещение и раны доблественне победила еси,/ мученице Параскево, вопия:/ мечем сосецайте и огнем сожизайте тело мое,/ яко да, радуюся, прииду Жениху моему Христу Богу./ Егоже моли спастися душам нашим.

 

Многострадальнаго праотца долготерпение стяжав,/Крестителеву воздержанию уподобляяся,/ Божественныя же ревности обою приобщаяся,/ тех имена достойно прияти сподобился еси/ и истинныя веры был еси проповедник безбоязнен;/ темже монахов множества ко Христу привел еси,/ и вся люди в Православии утвердил еси,/ ИОВЕ преподобне отче наш,/ моли спастися душам нашим.

 

Явился еси Истинныя веры столп,/ Евангельских же заповедей ревнитель,/ гордыни обличение, смиренным же предстатель и научение:/ темже и ублажающим тя грехов отпущение испроси/ и обитель твою невредиму сохрани,/ Иове отче наш,/ Многострадальному подобный.

 

Возложь на ся иго Христово от юности,/ преподобне отче Иове,/ многолетне свято подвизался еси/ на поприще благочестия во обители Угорницстей и на острове Дубенстем,/ и, пришед к горе Почаевстей,/ знаменанней цельбоносною стопою Пресвятыя Богородицы,/ в тесней пещере каменней/ богомыслия ради и молитвы многократно заключался еси,/ и, благодатию Божиею укреплялся,/ мужественно потрудился еси/ на пользу Церкве Христовы и обители твоей,/ купно же и противу врагов Православия и благочестия христианскаго,/ и наставив сицевому ополчению иночествующих,/ победители тех представил еси Владыце и Богу./ Того моли спастися душам нашим.

 

Звезду Российскую, от Киева возсиявшую,/ и чрез Новград Северский в Ростов достигшую,/ всю же страну сию ученьми и чудесы озарившую,/ ублажим златословеснаго учителя ДИМИТРИЯ:/ той бо всем вся написа, яже к наставлению,/ да всех приобрящет, якоже Павел, Христу// и спасет правоверием души наша.

 

Православия ревнителю и раскола искоренителию, / Российский целебниче и новый к Богу молитвенниче, / списаньми твоими буих уцеломудрил еси, / цевнице духовная, Димитрие блаженне, / моли Христа Бога спастися душам нашим.

 

Насадил еси добродетелей рай/ и напоил еси токами слез твоих,/ яко жизни, всеславне, древо получив,/ СПАСИ молитвами твоими ОТ ТЛИ СТАДО твое,/ избави от обстояний тепле чтущих тя, СТЕФАНЕ,/ тя бо предстателя величайша, мудре,/ вси верою и любовию стяжахом.

 

http://img-fotki.yandex.ru/get/5006/lapteva-vic.5/0_55cb5_993e1a77_XL.jpg

Успенский Собор в г. Коломна, воздвигнутый в 1382 г. честь Побед Русского Оружия на р. Воже и на Поле Куликовом. В росписях храма принял участие Феофан Грек.

 

О всесвятый и преславный угодниче Божий, преподобне отче наш Иове, присный о нас ко Господу молитвенниче и теплый предстателю о душах наших, к тебе всеумиленно ныне притекаем и поминающе подвиги и чудеса твоя, яже сотворил еси и твориши на земли, просим и молим твою благостыню: якоже твердо и неизменно потрудился еси в вере Христа Бога нашего, и сию до конца в себе и во всех присных твоих целу и невредиму сохранивый от всяких приражений вражиих и ересей тлетворных, сице и нас в Православии и единомыслии укрепи, отгоняя молитвами твоими всякую тьму неверия и неправо­мыслия от сердец и помышлений наших; послуживый Господу и Богу твоему делы благими и неизреченным самоотвержением в трудех, бдениих и пощениих, настави нас на путь всякия добродетели и благостыни, избавляя от искушений и грехов, удаляющих нас от Бога и повергающих в бездну зла все житие наше; явивыйся иногда с Пречистою Девою Богородицею верху горы Почаевския во спасение обители твоея от нашествия и обложения агарянскаго, и ныне ускори на помощь стране нашей противу всех врагов наших, внешних и внутренних, утверждая мир и тишину в земли нашей, да безмолвное житие поживем во всяком благочестии и чистоте; и всем к тебе притекающим и припадающим к раце честных и многоцелебных мощей твоих и твоея помощи и заступления требующим неоскудныя милости независтно подаваяй, не остави и нас, сирых и безпомощных, тебе молящихся, избавляя от всякия скорби, гнева и нужды, от глада, губи­тельства, труса, потопа, огня, меча, нашествия иноплеменник и междоусобныя брани. Ей, угодниче Божий, призри милостивно от Престола Царя славы, Емуже ты ныне предстоиши со Архангелы и Ангелы и со всеми святыми, на обитель твою Почаевскую, еюже ты древле мудро правил еси, наздав ю всехвальным и дивным житием твоим, и сохрани ю молитвами твоими и всякий град, и страну и всех отовсюду, на море и на суши, в пустынях и в заключениих многораз­личных тебе призывающих, от всех зол, видимых и невидимых, да, тако твоею помощию и ходатайством спасаеми, в веце сем и по скон­чании живота нашего сподобимся купно с тобою славити и воспевати всечестное имя Отца, и Сына, и Святаго Духа во веки веков. Аминь.

 

Архангел Гавриил

 

 

ДЕТИ ХРИСТОВЫ, СТОРОНИТЕСЬ НЕПЛОДНЫХ ДЕЛ ТЬМЫ!

 

 

НЕ ходите в собрания нечестивых.

 

Не попадайтесь в ловушки иноверцев.

 

ИМЕЮЩИЙ УШИ ДА СЛЫШИТ.

 

 

 

 

 

LUCH 2011